Pobo dakota | |
---|---|
![]() Charles Eastman (1858–1939), médico, autor e cofundador dos Boy Scouts of America | |
Poboación | |
Poboación total: 20 460 (2010)[1] | |
Rexións principais: | |
![]() | Dacota do Sur, Dacota do Norte, Minnesota, Nebrasca e Montana |
![]() | Manitoba e Saskatchewan |
Aspectos culturais | |
Lingua | Lingua dakota[1] e sinais dos indios das chairas |
Relixión | Relixión tribal tradicional, Danza do Sol, Native American Church, Cristianismo, Wocekiye |
Grupos relacionados | Lakota, assiniboine, stoney (nakota) e outros síux |
Os dakota[2] (en lingua dakota: Dakȟóta/Dakhóta) son un pobo indíxena de América do Norte. Os dakota compoñen dúas das tres subculturas principais dos síux, e divídense polo xeral en dakotas orientais e occidentais.
As catro bandas dos dakotas orientais son os bdewákaŋthuŋwaŋ, waȟpéthuŋwaŋ, waȟpékhute e sisíthuŋwaŋ, e ás veces son chamados santee (isáŋyathi ou Isáŋ-athi; "coitelo" + "campamento", "habita no lugar do pedernal do coitelo"). Residen nos estados de Dacota do Sur, Dacota do Norte, Minnesota central e o norte de Iowa. Teñen tribos recoñecidas federalmente establecidas en varios lugares.
Os dakotas occidentais son os yankton e os yanktonai (iháŋktȟuŋwaŋ e Iháŋktȟuŋwaŋna; "Aldea ao final" e "Pequena aldea ao final"), que residen na área do alto río Missouri. Os yankton-yanktonai son coñecidos colectivamente co endónimo wičhíyena ("Os que falan coma homes"). Tamén teñen distintas tribos recoñecidas a nivel federal. No pasado, os dakotas occidentais foron erradamente clasificados como nakota, unha póla dos síux que se moveu máis ao oeste. Estes últimos atópanse agora en Montana e alén da fronteira no Canadá, onde se lles coñece como stoney.[3]
© MMXXIII Rich X Search. We shall prevail. All rights reserved. Rich X Search